Xalq deputatlari Bag‘dod tumani Kengashining "25-Xitoy" saylov okrugi deputati G‘.Ermatov hamda Kengash Kotibiyati mudiri G‘.Abdulayevlar tomonidan "Chuvalanchi" mahalla fuqarolar yig‘inida profilaktika inspektorining xizmat faoliyati o‘rganildi.

O‘rganish davomida mahalla profilaktika inspektori Y.Tolipovning 2026-yilning shu kunga qadar amalga oshirgan ishlari tahlil qilindi. Xususan, hududdagi kriminogen vaziyat, jinoyat va huquqbuzarliklarning barvaqt oldini olish, fuqarolar murojaatlari bilan ishlash, profilaktik tadbirlarni tashkil etish hamda jamoat xavfsizligini ta’minlash yo‘nalishlaridagi faoliyatiga e’tibor qaratildi.

Hisobot davrida “Chuvalanchi” mahalla fuqarolar yig‘ini hududida jinoyat sodir etilmagani va mahalla “yashil” toifaga kiritilgani ijobiy holat sifatida qayd etildi.

Yakunda hududda osoyishtalik va jamoat xavfsizligini yanada mustahkamlash, profilaktik ishlarni kuchaytirish, aholi bilan individual va manzilli ishlash hamda huquqbuzarliklarning oldini olishga qaratilgan chora-tadbirlarni izchil davom ettirish bo‘yicha tavsiyalar berildi.