ЁШЛАРНИНГ МУРОЖААТИ ЎРГАНИЛДИ
Халқ депутатлари Янгиқўрғон тумани Кенгаши котибияти мудири Эргашева Мунисхон Рустамбековна ҳамда Ёшлар маслаҳат гуруҳи аъзолари томонидан ёшларнинг мурожаатлари ўрганилди.
Мулоқот давомида ёшлар томонидан билдирилган таклиф ва муаммолар тингланиб, уларни қонуний ва ижобий ҳал этиш чоралари муҳокама қилинди. Хусусан, ёшлардан бирининг тадбиркорлик фаолиятини йўлга қўйиш учун кредит ажратилиши масаласидаги мурожаати туман Ёшлар ишлари агентлиги раҳбари иштирокида атрофлича кўриб чиқилди.
Мурожаатчига кредит олиш тартиби, талаб этиладиган ҳужжатлар, ёшлар учун мавжуд имтиёз ва молиявий кўмак дастурлари бўйича тегишли тушунтиришлар берилди. Масалани амалий ҳал этиш юзасидан мутасаддиларга зарур тавсиялар билдирилиб, мурожаат ижроси назоратга олинди.
Ёшларнинг ташаббусларини қўллаб-қувватлаш, уларнинг бандлигини таъминлаш ва тадбиркорлик фаолиятини бошлашига кўмаклашиш борасидаги ишлар изчил давом эттирилади.