📌Xalq deputatlari Jizzax shahar Kengashi deputati B.Toshpo‘latov hamda viloyat Kengashi deputati O.Kogay, Jizzax shahar gaz ta‘minoti tashkiloti mas‘ullari bilan birgalikda navbatdagi ishchi o‘rganishni o‘tkazdilar. Ishchi guruh “Qaliya” mahalla fuqarolar yig‘ini hududida joylashgan 4-sonli oilaviy poliklinikada olib borilayotgan qurilish-ta‘mirlash ishlarining borishi bilan yaqindan tanishdi.

🔸O‘rganish davomida binoning qurilish sifati, loyiha talablariga mosligi hamda kelgusida uni uzluksiz tabiiy gaz va energiya resurslari bilan ta‘minlash masalalariga alohida e‘tibor qaratildi. Deputatlar va soha mutaxassislari tomonidan qurilish ishlarini o‘z vaqtida, sifatli yakunlash hamda muhandislik-kommunikatsiya tizimlarini to‘g‘ri sozlash bo‘yicha mas‘ul pudratchi tashkilotlarga zarur ko‘rsatma va tavsiyalar berildi.

📲 Bizni kuzatib boring:👇

🌎 kengash.gov.uz 📱 Youtube 📱 Telegram 📱 Facebook