Bo‘ston mahallasida oqar suv tarmog‘i yaxshilanmoqda

Bo‘ston mahallasining Sodat, Ozodlik va Al-Buxoriy ko‘chalarida aholini oqar suv bilan ta’minlashni yaxshilash maqsadida jami 2,7 kilometr masofada ichki ariqlar o‘rnatish rejalashtirilgan.

Ayni paytda Al-Buxoriy ko‘chasida latoklar o‘rnatish ishlari olib borilmoqda. Mazkur jarayonning belgilangan talablar asosida, sifatli va o‘z vaqtida bajarilishini ta’minlash maqsadida Xalq deputatlari Oqoltin tumani Kengashi deputati Y.Jo‘rayev tomonidan joyiga chiqib, o‘rganish ishlari olib borilmoqda.

Ushbu ishlar yakunlangach, ko‘chalardagi oqar suv tarmog‘i yaxshilanib, aholi xonadonlari va tomorqalarini sug‘orish uchun suv yetkazib berish imkoniyati yanada kengayadi.