Xalıq deputatları Bozataw rayonlıq Keńesi deputatı G. Jumanazarova tárepinen saylawshılar menen bolǵan jeke qabıllaw waqtında kóterilgen másele tiykarında deputat sorawı jollanǵan edi.
Múrájáátte «Aspantay» APJ aymaǵına barıwshı 20–45 kilometr aralıqtaǵı avtomobil jolı hám «Aspantay» APJ oraylıq kóshesiniń jolınıń jaǵdayı, ásirese jawın-shashın hám hawa temperaturası ózgeriwleri nátiyjesinde joldıń qáwipsizligi menen baylanıslı máseleler kóterilgen.
Bul másele boyınsha tiyisli shólkemler menen birgelikte is alıp barılıp, jol jaǵdayın jaqsılaw hám puqaralar ushın qáwipsiz qatnawdı támiyinlew boyınsha ilajlar kórilmekte.
Deputat sorawlarınıń ámeliy nátiyje beriwi – puqaralardıń máselelerin waqtında anıqlaw hám olardıń sheshimine erisiwde áhmiyetli qádem.