O‘zbekiston Respublikasi davlat mustaqilligining 35 yilligi munosabati bilan mamlakatimizda o‘zining fidokorona mehnati, jasorati va yurt taraqqiyotiga qo‘shgan munosib hissasi bilan alohida namuna ko‘rsatib kelayotgan yurtdoshlar munosib taqdirlanmoqda.
🌏O‘zbekiston Respublikasi Prezidentining tegishli Farmoniga muvofiq, Xalq deputatlari Jondor tumani Kengashi deputati, tuman hokimi Jamshid Xudoyev yurtimizda ijtimoiy-iqtisodiy taraqqiyotni ta’minlash, aholi farovonligini yuksaltirish, hududni obodonlashtirish va xalq manfaatlariga xizmat qilish borasidagi samarali mehnati hamda fidokorona xizmatlari uchun «Mardlik» ordeni bilan taqdirlandi.
🌏Ushbu yuksak davlat mukofoti nafaqat Jamshid Xudoyevning mehnatiga berilgan yuksak baho, balki Jondor tumanida amalga oshirilayotgan keng ko‘lamli islohotlar va ezgu tashabbuslarning ham e’tirofidir.
🌏Jamshid Xudoyevning deputatlik faoliyatida ham saylovchilar murojaatlarini o‘rganish, aholi bilan ochiq muloqot qilish, ijtimoiy va iqtisodiy masalalarni hal etishga ko‘maklashish, hudud manfaatlarini himoya qilishga alohida e’tibor qaratib kelinayotgani tahsinga sazovor.
🌏«Mardlik» ordeni — yurtga sadoqat, mas’uliyat va fidoyilikning yuksak e’tirofi. Bu mukofot Jondor tumani ahli uchun ham quvonchli va faxrli voqea bo‘lib, yosh avlodni Vatanga muhabbat va xalqqa xizmat qilish ruhida tarbiyalashda muhim ahamiyat kasb etadi.
🌏Jondor tumani Kengashi jamoasi Jamshid Xudoyevni ushbu yuksak davlat mukofoti bilan samimiy muborakbod etib, kelgusi faoliyatida ulkan muvaffaqiyatlar, mustahkam sog‘lik va xalqimiz farovonligi yo‘lidagi ezgu ishlarida kuch-g‘ayrat tilaydi.