Xalq deputatlari Andijon shahar Kengashi raisi R. Ziyayev hamda shahar Kengashi deputati A. Appaqov tomonidan umumta’lim maktablarida yangi o‘quv yiliga tayyorgarlik ishlari o‘rganilmoqda.

Xususan, 11-Guliston saylov okrugidagi 7-sonli umumta’lim maktabida bo‘lib, maktabning yangi o‘quv yiliga tayyorgarlik holati bilan tanishildi.

O‘rganish davomida sinfxonalar, maktab hududi, obodonlashtirish va ko‘kalamzorlashtirish ishlari ko‘zdan kechirildi. O‘quvchilar uchun yaratilayotgan shart-sharoitlar ham tahlil qilindi.

Maktab hududini tartibga keltirish, aniqlangan kamchiliklarni bartaraf etish hamda yangi o‘quv yilini munosib kutib olish yuzasidan mas’ullarga tegishli tavsiyalar berildi.

Yangi o‘quv yiliga puxta tayyorgarlik — o‘quvchilar uchun qulay va xavfsiz sharoit yaratishning muhim omilidir.