Xalıq deputatları Bozataw rayonlıq Keńesiniń 1-sanlı "Palwash ataw" saylaw okrugi deputatı A.Ibragimov tárepinen aymaqta deputatlıq úyreniw jumısları alıp barılıwı dawamında, "Berdaq gúzarı" kóshesinde jaylasqan suw tarmaǵına tiyisli qudıq (kolodets) jer betinen tómende jaylasıp qalǵanı anıqlandı.

Usıǵan baylanıslı "Qaraqalpaq suw támiynatı" JShJ Bozataw rayonlıq filialı direktorı M.Baltabaevqa tiyisli tártipte deputatlıq sorawı jiberilip, qudıqtı ońlaw hám onı jer betine say jaǵdayǵa keltiriw boyınsha ilajlar kóriw soraldı.

Deputatlıq sorawı tiykarında másele tiyisli tártipte úyrenilip, qudıq ońlanıp, jer betine say jaǵdayǵa keltirildi.
Nátiyjede, kósheniń turǵınları ushın qolaysızlıq tuwdırıp atırǵan másele unamlı sheshimin taptı.

Bul jumıs puqaralardıń kótergen máselelerine itibar beriw, aymaqtaǵı infrastrukturaǵa tiyisli kemshiliklerdi óz waqtında anıqlaw hám olardı sheshiwde deputatlıq qadaǵalawdıń áhmiyetin kórsetedi.