Qayrag‘och MFY hududidagi 39-sonli umumiy o‘rta ta’lim maktabida Xalq deputatlari Andijon shahar Kengashi deputatlari A. Appaqov va M. Jalolov tomonidan korrupsiyaning oldini olish va unga qarshi kurashish yo‘nalishida targ‘ibot-tushuntirish ishlari olib borilmoqda.

O‘rganish davomida ta’lim muassasasi jamoasiga korrupsiyaning salbiy oqibatlari, qonuniylik va halollik tamoyillariga rioya qilish, manfaatlar to‘qnashuvining oldini olish hamda korrupsion holatlarga murosasiz munosabatda bo‘lish yuzasidan tushunchalar berildi.

Shuningdek, har bir xodimning o‘z xizmat vazifalarini vijdonan va mas’uliyat bilan bajarishi, korrupsiyaga oid huquqbuzarliklarning oldini olishda jamoatchilik nazoratining ahamiyati haqida fikr almashildi.

Bunday targ‘ibot-tushuntirish ishlari shahardagi ta’lim muassasalarida izchil davom ettirilmoqda.