#_deputat_faoliyati
#_24_ta_masala
Yangihayot mahallasida obodonlashtirish ishlari o‘rganildi

Xalq deputatlari tuman Kengashi kotibiyat mudiri M.Ashurov hamda "6-Yangihayot" saylov okrugi deputati A.Safarov tomonidan Yangihayot mahallasida amalga oshirilayotgan obodonlashtirish va ko‘kalamzorlashtirish ishlari joyiga chiqqan holda o‘rganildi.

O‘rganish jarayonida mahalla hududidagi ichki ko‘chalar, piyodalar yo‘laklari, ijtimoiy soha obyektlari atrofida olib borilayotgan obodonlashtirish ishlari, yashil hududlarni kengaytirish, daraxt va manzarali ko‘chatlarni parvarishlash, hududlarning sanitariya holati hamda umumiy ozodaligini ta’minlash bo‘yicha amalga oshirilayotgan ishlar atroflicha ko‘zdan kechirildi.

Shuningdek, aholi uchun qulay va xavfsiz yashash muhitini yaratish maqsadida bajarilayotgan ishlarning sifati, belgilangan reja va muddatlarga muvofiqligi hamda obodonlashtirish tadbirlarining samaradorligi yuzasidan mas’ul mutasaddilar bilan muhokamalar olib borildi.

Hududni ko‘zdan kechirish davomida ayrim yo‘nalishlarda amalga oshirilishi lozim bo‘lgan qo‘shimcha ishlar yuzasidan tegishli tavsiya va takliflar bildirildi. Xususan, ko‘kalamzorlashtirish ishlarini yanada kengaytirish, hududlarni doimiy ravishda toza saqlash, sug‘orish tizimlarini samarali tashkil etish, chiqindilarni o‘z vaqtida olib chiqish hamda obodonlashtirish ishlarining sifatini oshirish bo‘yicha mas’ul tashkilotlarga tegishli ko‘rsatmalar va tavsiyalar berildi.

Xalq deputatlari tuman Kengashi tomonidan mahallalarda olib borilayotgan bunyodkorlik va obodonlashtirish ishlari, hududlarni yanada obod etish hamda fuqarolar uchun munosib turmush sharoitlarini yaratishga qaratilgan sa’y-harakatlar izchil nazorat qilib boriladi.