DEPUTAT SO‘ROVIGA RASMIY JAVOB XATI OLINDI

Xalq deputatlari Olmazor tumani Kengashi deputati Abdujalil Xasanov tomonidan “Ahil” MFY, “Orif Xatamov” ko‘chasi hududida elektr energiyasi iste’molining ortishi sababli mavjud transformator quvvati yetarli emasligi, natijada elektr ta’minotida uzilishlar va kuchlanish pasayishi kuzatilayotgani yuzasidan deputat so‘rovi yuborilgan edi.

📌 Mazkur deputat so‘roviga Olmazor tumani hokimining qurilish, to‘siqlarsiz muhit yaratish, kommunikatsiyalarni rivojlantirish, ekologiya va ko‘kalamzorlashtirish bo‘limi tomonidan rasmiy javob xati taqdim etildi.

🔎 Javob xatida qayd etilishicha, deputat so‘rovida ko‘tarilgan masala yuzasidan Olmazor tumani Elektr tarmoqlari bo‘limi tomonidan belgilangan tartibda o‘rganish ishlari olib borilmoqda.

✅ Mazkur masala deputat nazoratida bo‘lib, o‘rganish yakunlari va aniqlangan holatlarga ko‘ra tegishli choralar ko‘rilishi kutilmoqda.

📌 Deputat so‘rovi — aholi murojaatlarida ko‘tarilgan muammolarni tegishli tashkilotlar e’tiboriga yetkazish va ularning amaliy yechimini ta’minlashning muhim mexanizmidir.