Xalq deputatlari Bo‘ston tumani Kengashi deputati B.Soliyeva tomonidan “Deputat daftari” doirasida saylov okrugidagi fuqarolar bilan manzilli uchrashuvlar tashkil etildi.
Uchrashuvlar chog‘ida aholining kundalik hayotiga daxldor bo‘lgan masalalar, xususan, ichimlik suvi ta’minotida uchrayotgan muammolar atroflicha muhokama qilindi. Fuqarolarning murojaat va takliflari qabul qilinib, har bir masala yuzasidan tegishli qaydlar kiritildi.
Ko‘tarilgan muammolarni hal etish maqsadida mas’ul idoralar bilan hamkorlikda zarur chora-tadbirlarni amalga oshirish va ijro jarayonini nazorat qilish belgilandi.
Fuqarolar bilan doimiy muloqot qilish, ularning dardu tashvishlarini tinglash hamda muammolariga amaliy yechim topish deputatlik faoliyatining muhim yo‘nalishlaridan biri hisoblanadi.