Yaxshilik va xayrli amal yo'lida birlashgan Bandixon!

Kuni kecha Bandixon tumanida yoshlar va nuroniylar Navro‘z mahallasidagi "Oqmozor" qabristoni hududida tashkil etilgan xayrli hasharda faol ishtirok etdilar.

Hashar davomida qabriston hududi obodonlashtirilib, atrof-muhit tartibga keltirildi. Ushbu ezgu tashabbus — ajdodlar xotirasiga hurmat, milliy qadriyatlarimizga sadoqat va hamjihatlikning yorqin ifodasidir.

Tadbirda ishtirok etgan Xalq deputatlari Bandixon tumani Kengashi deputati, tuman hokimi Abdumalik Allamuradov hamda tuman Kengashi deputati X.Abdimo'minov ushbu savobli ishga sidqidildan hissa qo‘shgan barcha yoshlar, nuroniylar hamda faol fuqarolarga samimiy minnatdorlik bildirib, bu kabi ezgu amallar Yangi O‘zbekistonning birdamlik va mehr-oqibat tamoyillarini yanada mustahkamlashini ta'kidladilar.

Hashar yakunida barcha hasharchilarga osh tortildi, o'tganlar ruhi poklari uchun Qur'on tilovat qilinib, xayrli duolar qilindi.



"O‘tganlar xotirasini e’zozlash, ular mangu qo‘nim topgan maskanlarni obod va ozoda saqlash — har birimizning insoniy burchimizdir. Bugun 'Navro‘z' mahallasida o‘tkazilgan ushbu ezgu tashabbus nafaqat maskanni obod qildi, balki mahalla ahlini, ayniqsa yoshlarimizni bir-biriga yanada jipslashtirdi. Obodlik — barchamizning umumiy amalimizdir."