Xalq deputatlari Ishtixon tumani Kengashi deputati G.Xudoyberganova Narpay tajribasi asosida mahallada xonadonlarga kirib, fuqarolar bilan yuzma-yuz muloqot qildi hamda ularni qiynab kelayotgan muammolarni o‘rgandi.

O‘rganish davomida aholi tomonidan ichimlik suvi, elektr ta’minoti, ichki yo‘llar, bandlik, ijtimoiy yordam va boshqa masalalar yuzasidan murojaatlar bildirildi. Deputat har bir murojaatni joyida tinglab, ularni hal etish bo‘yicha tegishli tashkilotlar bilan hamkorlikda choralar ko‘rilishini ma’lum qildi.

Shuningdek, ayrim murojaatlar yuzasidan mutasaddi tashkilotlarga deputatlik so‘rovlari yuborish hamda masalalarni nazoratga olish belgilandi.

Mazkur tartibdagi o‘rganishlar fuqarolar muammolarini manzilli hal etish, aholi bilan ochiq muloqotni kuchaytirish va joylardagi mavjud holatni chuqur o‘rganishda muhim ahamiyat kasb etmoqda.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)