Xalq deputatlari Nurobod tumani Kengashining 21-sessiyasi kun tartibiga kiritilishi rejalashtirilgan masalalar yuzasidan tuman Kengashining Agrar, suv xo‘jaligi va ekologiya masalalari bo‘yicha doimiy komissiyasi yig‘ilishi bo‘lib o‘tdi.
Yig‘ilish davomida O‘zbekiston Respublikasi Prezidentining
2025-yil 15-avgustdagi “O‘zbekiston Respublikasida suv resurslarini boshqarish va irrigatsiya sektorini rivojlantirishning 2025–2028-yillarga mo‘ljallangan dasturini tasdiqlash to‘g‘risida”gi PQ–250-sonli qarori ijrosining tumandagi holati muhokama qilindi.
Mazkur masala yuzasidan “Zarafshon irrigatsiya tizimlari havza boshqarmasi” huzuridagi Meliorativ ekspedisiyasi tuman bo‘limi boshlig‘i O.Mannayevning hisoboti eshitildi. Hisobotda hududlarda amalga oshirilayotgan melioratsiya ishlari, suv resurslaridan samarali foydalanish hamda irrigatsiya tizimlarini yaxshilash borasida olib borilayotgan ishlar xususida axborot berildi.
️Shuningdek, yig‘ilishda tuman Ekologiya, atrof-muhitni muhofaza qilish va iqlim o‘zgarishi bo‘limi boshlig‘i D.Rustamovning Nurobod tumanida “Mening bog‘im” loyihalarini shakllantirish va moliyalashtirish tartibi to‘g‘risidagi axboroti ham muhokama qilindi.
Muhokamalar yakunida ko‘rib chiqilgan masalalar doimiy komissiya a’zolari tomonidan bir ovozdan ma’qullanib, tegishli qarorlar tasdiqlandi.