ТАДБИРКОР АЁЛ ТУТ ЕТИШТИРИШ ОРҚАЛИ ПИЛЛАЧИЛИККА ҲИССА ҚЎШМОҚДА
Халқ депутатлари Янгиқўрғон тумани Кенгаши котибияти мудири Эргашева Мунисхон Рустамбековна томонидан ташаббускор тадбиркор аёл Насиба Ҳайдарованинг фаолияти жойига чиққан ҳолда ўрганилди.
Маълум бўлишича, тадбиркор томонидан Хитой давлатидан келтирилган юқори ҳосилдор тут навларидан жами 30 минг туп тут кўчатлари етиштирилмоқда. Ушбу тут навлари пиллачилик соҳасида аҳолини сифатли ва серҳосил тут барги билан таъминлашда муҳим аҳамият касб этмоқда.
Бугунги кунда пиллачилик тармоғини ривожлантириш, соҳада озуқа базасини мустаҳкамлаш ҳамда аҳоли бандлигини таъминлаш мақсадида бу каби ташаббусларга алоҳида эътибор қаратилмоқда.
Айни пайтда тут кўчатларини кўпайтириш, аҳоли томорқаларига тарқатиш ҳамда пиллачилик билан шуғулланувчи хонадонларни барқарор озуқа манбаи билан таъминлаш бўйича амалий ишлар олиб борилмоқда.
Ўрганиш давомида ушбу фаолиятни янада кенгайтириш, тут кўчатларини парваришлаш ва аҳолига етказиб бериш тизимини ривожлантириш юзасидан фикр-мулоҳазалар билдирилди.
Бу каби ташаббуслар нафақат пиллачилик соҳасини ривожлантириш, балки қишлоқ хўжалигида самарадорликни ошириш, янги иш ўринлари яратиш ва аҳоли даромадларини кўпайтиришда ҳам муҳим аҳамиятга эга.