O‘zbekiston Respublikasining “Oilaviy tadbirkorlik to‘g‘risida”gi Qonuni (№ O‘RQ-327, 26.04.2012 yil) hamda “Tadbirkorlik faoliyati erkinligining kafolatlari to‘g‘risida”gi Qonunga o‘zgartirish va qo‘shimchalar kiritish haqidagi Qonun (№ O‘RQ-328, 02.05.2012 yil) ijrosini ta’minlash maqsadida Xalq deputatlari tuman Kengashi deputati M. Mengliyeva hamda O‘zLiDeP partiyasi tuman Kengashi apparat rahbari Sh. Jo‘rayev tomonidan hududlarda o‘rganish ishlari olib borildi.

O‘rganish jarayonida mahallalarda faoliyat yuritayotgan oilaviy tadbirkorlik subyektlari bilan yaqindan suhbat o‘tkazilib, ularning kundalik faoliyati, erishayotgan natijalari hamda rivojlanishga to‘sqinlik qilayotgan muammolar atroflicha muhokama qilindi.

Shuningdek, tadbirkorlar tomonidan bildirilgan taklif va muammolar tegishli tashkilotlarga yetkazish hamda ularni bartaraf etish yuzasidan amaliy choralar ko‘rish bo‘yicha tegishli tavsiyalar berildi.

 Mazkur o‘rganishlar hududlarda tadbirkorlik muhitini yanada yaxshilash, aholi bandligini ta’minlash va oilaviy biznesni qo‘llab-quvvatlashda muhim ahamiyat kasb etadi.