🇺🇿 Xalq deputatlari Shovot tumani Kengashi O‘zLiDeP deputati Dushamov Elyor Shuhrat o‘g‘li hamda Kengash kotibiyati bosh mutaxassisi Ro‘zmetov Umrbek Shavkatovich tomonidan tumanning Do‘stlik mahallasi hududida joylashgan ko‘p qavatli uylar holati joyiga chiqqan holda o‘rganildi.
🏢 O‘rganish jarayonida ko‘p qavatli uylarning ichki yo‘laklari (podezdlari), yerto‘lalari, kirish qismlari, umumiy foydalanish joylari, shuningdek, uylar atrofining sanitariya-tozaligi, obodonlashtirilganligi hamda tungi yoritish tizimining holati ko‘zdan kechirildi.
💡 Shuningdek, mavjud kamchiliklar aniqlanib, ularni bartaraf etish, hududlarda tozalik va tartibni saqlash, yoritish tizimini yaxshilash hamda aholiga qulay va xavfsiz yashash sharoitlarini yaratish yuzasidan tegishli mas’ullarga tavsiyalar berildi.
🤝 O‘rganish davomida ko‘p qavatli uylar aholisi bilan ham muloqot o‘tkazilib, ularning taklif va murojaatlari tinglandi hamda qayd etilgan masalalarni hal etish bo‘yicha zarur choralar belgilandi.
✅ Bu kabi o‘rganishlar ko‘p qavatli uylarni namunali saqlash, obodonlashtirish ishlarini yanada jadallashtirish va fuqarolar uchun qulay yashash muhitini yaratishga xizmat qiladi.