🏛 TA’LIM MUASSASASI FAOLIYATI DEPUTATLIK NAZORATI TARTIBIDA O‘RGANILDI

Xalq deputatlari Olmazor tumani Kengashi raisi Shaxnoza Umarxodjayeva tomonidan “Sebzor” MFY hududida joylashgan Abdulla Qodiriy nomidagi ijod maktabi faoliyati yuzasidan o‘rganish ishlari olib borildi.

✨ O‘rganish davomida Abdulla Qodiriy nomidagi ijod maktabida o‘quvchilarning ijodiy va amaliy faoliyati, xususan, milliy qadriyatlarimizni aks ettiruvchi milliy kiyimlar va liboslar namunalari, o‘quvchilar tomonidan tayyorlangan ijodiy ishlar hamda amaliy mashg‘ulotlar bilan yaqindan tanishildi.

🌟 Shuningdek, maktabdagi tikuvchilik va ijodiy yo‘nalishdagi xonalar faoliyati o‘rganilib, o‘quvchilarning kasbiy va amaliy ko‘nikmalarini shakllantirish, ularning ijodiy qobiliyatlarini rivojlantirish hamda bo‘sh vaqtlarini mazmunli tashkil etish borasida amalga oshirilayotgan ishlar ko‘rib chiqildi.

Mazkur o‘rganish mahalliy Kengash deputatlari faoliyatining eng muhim 24 ta ustuvor yo‘nalishi doirasida amalga oshirilib, ta’lim muassasasida o‘quvchilar uchun yaratilgan shart-sharoitlar, ta’lim jarayonining tashkil etilishi, moddiy-texnik baza hamda mavjud muammolar holati ko‘rib chiqildi.

📌 O‘rganishda quyidagi yo‘nalishlarga alohida e’tibor qaratildi:
🔹 ta’lim sifati va o‘quv jarayonining samarali tashkil etilishi;
🔹 o‘quvchilarning ta’lim olishi uchun zarur shart-sharoitlarning yaratilganligi;
🔹 ta’lim muassasasining moddiy-texnik holati;
🔹 sanitariya-gigiyena va xavfsizlik talablariga rioya etilishi;
🔹 aniqlangan muammolarni bartaraf etish bo‘yicha amalga oshirilayotgan ishlar.

🔖 O‘rganish jarayonida Kengash kotibiyati bosh mutaxassisi U.Shopotixov, maktab ma’muriyati hamda xodimlari ishtirok etdi. Suhbat davomida ta’lim jarayonini samarali tashkil etish, o‘quvchilar uchun yaratilgan imkoniyatlar, ta’lim sifati va mavjud masalalar yuzasidan fikr almashildi.

⚡️ Jarayon davomida o‘quvchilarning milliy hunarmandchilik, tikuvchilik, dizayn va ijodiy yo‘nalishlarga bo‘lgan qiziqishini qo‘llab-quvvatlash, amaliy mashg‘ulotlar uchun zarur shart-sharoitlarni yanada yaxshilash masalalariga alohida e’tibor qaratildi.


👇 Bizni ijtimoiy tarmoqlarda kuzatib boring!