🔸Xalq deputatlari Toyloq tumani Kengashi kotibiyati mudiriB.Xamrayev, tuman hokimi o‘rinbosari J.Sattarov hamda yoshlar ekspert guruhi vakili ishtirokida Eskijuma mahallasida joylashgan 2,25 gektar maydonda barpo etilayotgan “Yoshlar sanoat zonasi”dagi qurilish ishlari o‘rganildi.

🔹O‘rganish davomida hududda amalga oshirilayotgan ishlar, tadbirkorlar uchun yaratilayotgan sharoitlar hamda mavjud muammolar ko‘zdan kechirildi. Ayrim tadbirkorlar tomonidan ishlar boshlangan bo‘lsa-da, ayrim obyektlarda qurilish jarayonlari turli sabablar bilan to‘xtab qolgani, shuningdek, ba’zi tadbirkorlarda loyiha-smeta hujjatlari bilan bog‘liq masalalar mavjudligi aniqlandi.

🔸Aniqlangan muammolarni bartaraf etish va qurilish ishlarini jadallashtirish bo‘yicha tegishli mas’ul tashkilotlar bilan hamkorlikda ishlarni tashkil etish belgilandi.