“TABASSUM” MAHALLASIDA AHOLI BILAN OCHIQ MULOQOT

⚡️ Xalq deputatlari Olmazor tumani Kengashining 8-“Tabassum” saylov okrugi deputati Samandar Ismailov tomonidan “Tabassum” mahallasida fuqarolar bilan navbatdagi uchrashuv o‘tkazildi.

🗣 Uchrashuv davomida deputat tomonidan 2026-yilning birinchi yarim yilligida amalga oshirilgan deputatlik faoliyati, saylovchilar murojaatlari yuzasidan olib borilgan ishlar va erishilgan natijalar haqida batafsil axborot berildi. Shuningdek, mahalla yettiligi vakillari bilan birgalikda yilning ikkinchi yarmida hududda amalga oshirilishi lozim bo‘lgan ustuvor vazifalar, mavjud muammolar va kelgusidagi rejalar muhokama qilindi.

🏘 Mahalladagi muammolar — e’tiborda
Muloqot davomida fuqarolar tomonidan “Obod mahalla” davlat dasturining amaliy bosqichini tezroq boshlash, mahalla infratuzilmasini yaxshilash, ko‘p qavatli uylar va hudud obodonligini ta’minlashga oid takliflar bildirildi. Xususan, Boshqaruv servis kompaniyasi faoliyati, jumladan, ko‘p qavatli uylarning tom qismiga antenna qurilmalarini o‘rnatish bilan bog‘liq masalalar yuzasidan ham murojaatlar tinglandi.

📒 Uchrashuvda bildirilgan murojaat va takliflar “Ko‘chama-ko‘cha deputat daftari” amaliyoti asosida qayd etilib, ularning ijrosini ta’minlash bo‘yicha tegishli tashkilotlar bilan hamkorlikda ishlash belgilandi.

Mazkur amaliyot orqali muammolarni faqat murojaat kelib tushgandan keyin emas, balki hududlarni manzilli o‘rganish, fuqarolar bilan bevosita muloqot qilish va muammolarga amaliy yechim topish tamoyili asosida ish olib borishga e’tibor qaratilmoqda.

⚖️ DEPUTATLIK FAOLIYATINING HUQUQIY ASOSLARI
🔹 “Xalq deputatlari viloyat, tuman va shahar Kengashi deputatining maqomi to‘g‘risida”gi Qonun — O‘RQ-431-son, 18.04.2017-yil.
📌 Deputatning saylovchilar bilan uchrashuvlar o‘tkazishi, ularning murojaatlarini ko‘rib chiqishi hamda saylovchilar manfaatlarini ifodalashi uchun huquqiy asoslarni belgilaydi.
🔹 “Mahalliy davlat hokimiyati to‘g‘risida”gi Qonun — 913-XII-son, 02.09.1993-yil.
📌 Mahalliy Kengashlarning hududdagi ijtimoiy-iqtisodiy masalalarni ko‘rib chiqish va deputatlik nazoratini amalga oshirishga oid vakolatlarini belgilaydi.
🔹 “Fuqarolarning murojaatlari to‘g‘risida”gi Qonun — O‘RQ-445-son, 11.09.2017-yil.
📌 Fuqarolarning murojaatlarini ko‘rib chiqish, ularni o‘z vaqtida va qonuniy hal etishning huquqiy tartibini belgilaydi.

🤝 Har bir murojaat — e’tiborda, har bir muammo — nazoratda!

✍️ Bildirilgan taklif va murojaatlar deputat tomonidan nazoratga olinib, ularni tegishli tashkilotlar bilan hamkorlikda hal etish bo‘yicha amaliy choralar ko‘rilishi belgilandi.

👇 Bizni ijtimoiy tarmoqlarda kuzatib boring!