Xalq deputatlari Termiz shahar Kengashining 17-“Surxon sohili” saylov okrugi deputati B.Raxmatullayev hamda Kengash kotibiyati bosh mutaxassisi A.Temirov tomonidan “Surxon sohili” mahallasida navbatdagi nazorat-tahlil tadbiri o‘tkazildi.
Nazorat jarayonida mahalladagi yoshlarning muammolarini aniqlash va ularni hal etish, yoshlarni bandlik va tadbirkorlikka yo‘naltirish, ta’lim olishi va kasb-hunar egallashiga ko‘maklashish, bo‘sh vaqtini mazmunli tashkil etish hamda iqtidorli yoshlarni qo‘llab-quvvatlash borasida amalga oshirilayotgan ishlar o‘rganildi.
Shuningdek, “Yoshlar daftari” bilan ishlash, ijtimoiy himoyaga muhtoj yoshlarni qo‘llab-quvvatlash, yoshlar o‘rtasida huquqbuzarliklarning oldini olish va ularning jamiyat hayotidagi faolligini oshirishga qaratilgan chora-tadbirlarning samaradorligiga e’tibor qaratildi.
O‘rganish yakunlari bo‘yicha aniqlangan kamchiliklarni bartaraf etish, yoshlar bilan manzilli va tizimli ishlashni kuchaytirish hamda belgilangan vazifalar ijrosini ta’minlash yuzasidan tegishli tavsiya va takliflar bildirildi.
Deputatlik nazorati — yoshlar manfaatlarini himoya qilish, ularning muammolarini joyida o‘rganish va amaliy yechim topishga xizmat qiladi.