Yig‘ilishda Xalq deputatlari Bag‘dod tumani Kengashi raisi D.Karimova, Kotibiyat mudiri G‘.Abdullayev, viloyat Kengashi deputati, doimiy komissiya a’zolari, Kengash huzuridagi Ekspert guruhi hamda Yoshlar maslahat guruhi a’zolari, ishchi guruh vakillari, tuman hokimi o‘rinbosari va masala yuzasidan hisobdor tashkilotlar rahbarlari ishtirok etdilar.

Kun tartibida ishchi guruh tomonidan O‘zbekiston Respublikasining “Yo‘l harakati xavfsizligi to‘g‘risida”gi Qonuni ijrosi yuzasidan joyiga chiqib o‘tkazilgan o‘rganishlar natijalari muhokama qilindi.

Shuningdek, mazkur masala yuzasidan Bag‘dod tumani Yo‘l harakati xavfsizligi bo‘linmasi boshlig‘i A.Xaydarov, tuman Avtomobil yo‘llaridan foydalanish davlat muassasasi boshlig‘i X.Qambarov hamda tuman Obodonlashtirish boshqarmasining Yo‘l-ko‘prik xo‘jaligidan foydalanish bo‘limi boshlig‘i S.Jabborovning hisobotlari tinglandi.

Muhokamalar davomida deputatlar, Ekspert guruhi va Yoshlar maslahat guruhi a’zolari tomonidan yo‘l harakati xavfsizligini ta’minlash, mavjud kamchiliklarni bartaraf etish hamda qonun ijrosini yanada samarali tashkil etish yuzasidan qator taklif va tavsiyalar bildirildi.

Yig‘ilish yakunida kun tartibidagi masala bo‘yicha tegishli qaror qabul qilinib, aniqlangan kamchiliklarni bartaraf etish, belgilangan vazifalarni o‘z vaqtida va sifatli amalga oshirish yuzasidan mas’ul tashkilotlarga aniq topshiriqlar berildi.