👩‍💼 Xalq deputatlari Shovot tumani Kengashi deputati Yo‘ldoshova Oyimjon Qurvonnazarovna tomonidan saylovchilar manfaatlarini himoya qilish hamda hududdagi mavjud muammolarni bartaraf etish maqsadida Shovot tumani elektr ta’minoti korxonasi boshlig‘iga deputat so‘rovi yuborildi.
📍 O‘rganishlar davomida Royat mahallasi, Oynuri 3-tor ko‘chasi 2-uy oldida joylashgan elektr uzatish tarmog‘iga tegishli simyog‘och nosoz holatga kelgani aniqlanib, mazkur holat fuqarolar xavfsizligi hamda elektr ta’minoti barqarorligiga salbiy ta’sir ko‘rsatishi mumkinligi qayd etildi.
📌 Deputat so‘rovida:
🔹 simyog‘ochning texnik holatini mutaxassislar ishtirokida joyiga chiqib o‘rganish;
🔹 aniqlangan kamchiliklarni bartaraf etish hamda zaruratga ko‘ra ta’mirlash yoki almashtirish ishlarini amalga oshirish;
🔹 hududdagi elektr tarmoqlari infratuzilmasini qo‘shimcha ravishda ko‘zdan kechirish;
🔹 ko‘rilgan choralar yuzasidan qonunchilikda belgilangan muddatlarda yozma javob taqdim etish so‘ralgan.
🤝 Xalq deputatlari Shovot tumani Kengashi tomonidan fuqarolarning murojaatlari asosida hududlardagi dolzarb muammolarni hal etishga qaratilgan amaliy ishlar izchil davom ettirilmoqda.