🤝 Xalq deputatlari Shovot tumani Kengashi deputati, “Milliy tiklanish” demokratik partiyasidan saylangan 10-Do‘stlik saylov okrugi deputati Sultonov Po‘lat Yo‘ldoshevich 2026-yilning 2-choragi yakunlari yuzasidan saylovchilari bilan ochiq muloqot o‘tkazdi.
🚶‍♂️ Shuningdek, deputat mahallada ko‘chama-ko‘cha yurib, aholi bilan bevosita uchrashdi, fuqarolarni qiynayotgan muammolarni joyiga chiqqan holda o‘rgandi hamda ularning murojaatlarini tingladi.
🗣 Uchrashuv va o‘rganishlar davomida fuqarolar tomonidan, avvalo, maishiy chiqindilarni o‘z vaqtida olib ketishdagi uzilishlar yuzasidan murojaatlar bildirildi. Mazkur masalani tegishli tashkilotlar bilan hamkorlikda hal etish bo‘yicha zarur choralar ko‘rilishi ta’kidlandi.
🛣 Shuningdek, aholi tomonidan Sahiylar, Sahiylar 1-tor, Sahiylar 2-tor, Oltin Zamin 1-tor, Bolchi hamda Shirin ko‘chalarining jami 2,4 kilometr qismini asfalt qoplamasi bilan ta’minlash bo‘yicha taklif va murojaatlar ilgari surildi.
🏛 Uchrashuvda Xalq deputatlari Shovot tumani Kengashi kotibiyati mudiri Masharipov Izzat Masharipovich hamda kotibiyat xodimi Ro‘zmetov Umrbek Shavkatovich ishtirok etib, fuqarolar murojaatlarini deputatlik nazoratiga olish va ularni bosqichma-bosqich hal etish yuzasidan tegishli tavsiyalar berdilar.