Hamkorlik — hudud rivojining muhim omili

Xalq deputatlari Pastdarg‘om tumani Kengashi doimiy komissiyalari tomonidan hududni ijtimoiy-iqtisodiy rivojlantirish, aholi murojaatlariga samarali yechim topish hamda davlat dasturlari ijrosini ta’minlash maqsadida tegishli tashkilot va idoralar bilan tizimli hamkorlik ishlari olib borilmoqda.

Shu maqsadda deputat X.Ziyodullayev o‘ziga biriktirilgan “Mikrokreditbank” hamda “Agrobank” tuman filiallari xodimlari bilan uchrashuv o‘tkazdi.

Muloqot davomida aholi va tadbirkorlik subyektlarini imtiyozli kreditlar bilan qo‘llab-quvvatlash, bank xizmatlari sifatini yanada oshirish, murojaatlarni o‘z vaqtida ko‘rib chiqish hamda kredit ajratish jarayonlarida uchrayotgan muammolarni bartaraf etish masalalari muhokama qilindi.

Tomonlar kelgusida ham hamkorlikni yanada mustahkamlash, aholining moliyaviy xizmatlardan foydalanish imkoniyatlarini kengaytirish hamda rivojiga xizmat qiladigan loyihalarni qo‘llab-quvvatlash yuzasidan fikr almashdilar.