Prezident Shavkat Mirziyoyev tomonidan O‘zbekistonning pragmatik va tashabbuskor tashqi siyosati bundan buyon ham izchil davom ettirilishi ta’kidlangani mamlakatimizning xalqaro maydondagi nufuzi tobora ortib borayotganidan dalolat beradi.
🔹Ayniqsa, O‘zbekistonning kelgusi yildan Qo‘shilmaslik harakatiga raislik qilishi, shuningdek, xalqaro munosabatlarda tinchlik, o‘zaro hurmat va konstruktiv muloqot tamoyillariga sodiq qolayotgani davlatimiz tashqi siyosatining izchil va muvozanatli ekanini ko‘rsatadi.
🔹Malayziya bilan strategik sheriklikni yangi bosqichga olib chiqish, imtiyozli savdo bitimini imzolash bo‘yicha olib borilayotgan ishlar esa iqtisodiy hamkorlikni kengaytirish, investitsiyalarni jalb etish va yangi ish o‘rinlari yaratishga xizmat qiladi. Bu kabi tashabbuslar hududlar, jumladan, Jondor tumanida ham tadbirkorlikni rivojlantirish, eksport salohiyatini oshirish va aholi farovonligini yuksaltirish uchun yangi imkoniyatlar yaratadi.
🔹Biz deputatlar davlatimiz rahbari belgilab bergan ustuvor yo‘nalishlarni qo‘llab-quvvatlagan holda, xalqaro hamkorlik natijalarini joylarda samarali ro‘yobga chiqarish, investitsion muhitni yaxshilash hamda fuqarolar manfaatlariga xizmat qiladigan islohotlarni izchil amalga oshirish yo‘lida faol ishlashda davom etamiz.