#Deputatlik_nazorati #Kotibiyat_hududlarda #24_ta_tavsiyaviy_savol #haftalik_ish_reja_ijrosi

DIYOROBOD MAHALLASIDA BSK FAOLIYATI VA AHOLI MUAMMOLARI MUHOKAMA QILINDI

📊 Diyorobod mahallasida ko‘p qavatli uylarga xizmat ko‘rsatuvchi “Draym Xaus Plyus” BSK faoliyati hamda aholi tomonidan ko‘tarilayotgan muammolar yuzasidan joyiga chiqqan holda tahlil o‘tkazildi.

🇺🇿 Unda Oliy Majlis Qonunchilik palatasi deputati Durbek Axmedov hamda Xalq deputatlari Uchtepa tumani Kengashi kotibiyati mudiri Anvar Usmanov ishtirok etdi.

💬 Muloqot davomida fuqarolar tomonidan BSK faoliyatiga oid ko‘plab muammoli masalalar ko‘tarilayotgani ma’lum bo‘ldi. Xususan, ko‘p qavatli uylarning kirish yo‘laklari va yerto‘lalari, uylar atrofidagi hududlarni saqlash, obodonlashtirish va boshqa xizmatlar yuzasidan aholining e’tirozlari tinglandi.

⚠️ Oliy Majlis Qonunchilik palatasi deputati tomonidan BSK mas’ullariga 10 kun muddatda mahalla Kengashi oldida amalga oshirilayotgan ishlar, tasdiqlangan dasturlar ijrosi hamda kreditorlik va debitorlik qarzdorliklari bo‘yicha to‘liq va umumlashtirilgan hisobot taqdim etish vazifasi belgilandi.

🫥 Shuningdek, mahalla hududidagi futbol maydonining holati ham ko‘rib chiqilib, uni ta’mirlash va zamonaviy holatga keltirish uchun xususiy sheriklik asosida tadbirkorlarni jalb etish zarurligi ta’kidlandi. Bu orqali yoshlar uchun qulay sport sharoitlarini yaratish va hududdagi mavjud infratuzilmani yaxshilash ko‘zda tutilmoqda.

✅ Aniqlangan muammolarni bartaraf etish, BSK faoliyatini aholining talab va ehtiyojlaridan kelib chiqib takomillashtirish hamda belgilangan vazifalar ijrosini ta’minlash masalalari nazoratga olindi.