20-Gulzor saylov okrugida fuqarolar bilan sayyor qabul o‘tkazildi

Navoiy shahar texnikumi (sobiq Monomarkaz) binosida 20-Gulzor saylov okrugi hududida istiqomat qiluvchi fuqarolar ishtirokida navbatdagi sayyor qabul tashkil etildi.

Mazkur sayyor qabulda Xalq deputatlari Navoiy shahar Kengashi deputati Dilmurod Ergashev, Navoiy shahar prokurori v.b. Xurshidjon Erkinov hamda tegishli tashkilotlar mas’ullari ishtirok etdi.

Qabul davomida fuqarolarning uy-joy masalalari, bandlik, tadbirkorlik faoliyatini qo‘llab-quvvatlash, kommunal xizmatlar, kadastr, ta’lim, kontrakt to‘lovlari, ijtimoiy himoya hamda boshqa dolzarb masalalarga oid murojaatlari tinglandi.

Har bir murojaat mas’ul tashkilotlar vakillari ishtirokida atroflicha o‘rganilib, ayrim masalalar joyida hal etildi. Qo‘shimcha o‘rganish va vaqt talab etadigan murojaatlar yuzasidan mas’ullarga tegishli topshiriqlar berilib, ularning ijrosi nazoratga olindi.

Sayyor qabullar fuqarolar bilan bevosita muloqotni yo‘lga qo‘yish, aholini qiynayotgan muammolarni aniqlash hamda ularni qonuniy va amaliy jihatdan hal etishda muhim ahamiyat kasb etmoqda.

Xalq deputatlari Navoiy shahar Kengashi deputatlari tomonidan aholi murojaatlarini o‘rganish, fuqarolarning qonuniy manfaatlarini ta’minlash hamda mavjud muammolarni bartaraf etishga qaratilgan ishlar belgilangan tartibda izchil davom ettirilmoqda.