#haftalik_ishlar_muhokamasi

Xalq deputatlari Kogon shahar Kengashi kotibiyati tomonidan 27-iyuldan 31-iyulgacha amalga oshirilgan ishlar yuzasidan navbatdagi yig‘ilish o‘tkazildi. Yig‘ilish Sh. Isamutdinov rahbarligida tashkil etilib, unda kotibiyat xodimlari ishtirok etdi.

Muhokama jarayonida hafta davomida bajarilgan ishlar tahlil qilinib, kelgusi haftaga mo‘ljallangan ustuvor vazifalar belgilab olindi. Xususan, saylov okruglarida olib borilgan o‘rganishlar, fuqarolar murojaatlari bilan ishlash, doimiy komissiyalar faoliyatini muvofiqlashtirish hamda Kengash sessiyasiga tayyorgarlik masalalariga alohida e’tibor qaratildi.

Shuningdek, deputatlik nazorati doirasidagi ishlarni keng yoritish, ijtimoiy tarmoqlarda faollikni oshirish, “E-kengash” tizimida hujjatlar bilan ishlash sifatini yaxshilash va ijro intizomini mustahkamlash yuzasidan mas’ul xodimlarga aniq topshiriqlar berildi.

Yig‘ilish yakunida barcha vazifalarni o‘z vaqtida va sifatli bajarish hamda ularning ijrosini tizimli nazoratga olish bo‘yicha tegishli ko‘rsatmalar berildi.

Xalq deputatlari
Kogon shahar Kengashi
axborot xizmati

Telegram . Instagram . Facebook . Youtube . E-kengash