Xalq deputatlari Jondor tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishi bo‘lib o‘tdi.
✔️Yig‘ilishda O‘zbekiston Respublikasi Prezidentining Jondor tumanidagi Xalq qabulxonasi tomonidan 2026-yilning birinchi yarim yili davomida tumandagi tashkilotlar rahbarlari faoliyati hamda jismoniy va yuridik shaxslarning murojaatlari bilan ishlash holati yuzasidan taqdim etilgan axborot atroflicha muhokama qilindi.
✔️Ta’kidlanganidek, fuqarolarning murojaatlarini o‘z vaqtida ko‘rib chiqish, ularning muammolarini joyida hal etish, sayyor qabullarni samarali tashkil etish hamda murojaatlar bilan ishlash tizimini takomillashtirish davlat organlari faoliyatining muhim yo‘nalishlaridan biri hisoblanadi. Shu nuqtai nazardan, tuman tashkilotlari rahbarlarining bu boradagi faoliyati tahlil qilinib, murojaatlar ijrosini ta’minlash, takroriy murojaatlarning oldini olish va mas’uliyatni yanada kuchaytirish yuzasidan tegishli tavsiyalar berildi.
✔️Muhokamalar davomida murojaatlar bilan ishlashda aniqlangan ayrim kamchiliklar ham tanqidiy tahlil qilinib, ularni bartaraf etish, fuqarolar bilan ochiq muloqotni kengaytirish hamda har bir murojaatni qonuniy va adolatli hal etishga alohida e’tibor qaratish zarurligi qayd etildi.
✔️Yig‘ilish yakunida doimiy komissiya tomonidan murojaatlar bilan ishlash samaradorligini oshirish, mas’ul tashkilotlar rahbarlarining javobgarligini kuchaytirish hamda aholini qiynayotgan muammolarni o‘z vaqtida bartaraf etish bo‘yicha tegishli tavsiya va qarorlar qabul qilindi.