Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat M.Aynashova tomonidan tumanning “Pargos” mahallasiga biriktirilgan ijtimoiy xodim U. Sadikov faoliyati va aholiga ko‘rsatilayotgan ijtimoiy xizmatlar sifati yuzasidan o‘rganish ishlari amalga oshirildi.

O‘rganish davomida aholining ehtiyojmand qatlamlariga ko‘rsatilayotgan xizmatlar, ijtimoiy himoya choralarining samaradorligi, murojaatlarni qabul qilish, ko‘rib chiqish va ijrosini ta’minlash tizimi atroflicha tahlil qilindi. Xususan, yakka yolg‘iz keksalar, nogironligi bo‘lgan shaxslar, kam ta’minlangan oilalar, og‘ir ijtimoiy vaziyatga tushib qolgan fuqarolar hamda doimiy parvarishga muhtoj shaxslarga ko‘rsatilayotgan xizmatlar holati o‘rganildi.

O‘rganish jarayonida aholidan kelib tushgan murojaatlar tahlil qilinib, ularda ko‘tarilgan moddiy yordam, ijtimoiy nafaqalar va xizmatlardan foydalanish, reabilitatsiya vositalari bilan ta’minlash, tibbiy xizmat masalalari bo‘yicha muhokama tashkil etildi.