🏛 Xalq deputatlari Tuproqqal'a tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishi doimiy komissiya raisi Ilhom Qalandarov raisligida bo‘lib o‘tdi.

📋 Yig‘ilishda Tuproqqal'a tumani mahalliy budjetining 2026-yil birinchi yarim yillik ijrosi hamda budjet mablag‘laridan foydalanish samaradorligi yuzasidan tuman hokimi A.Jimalyazovning taqdimnomasi atroflicha muhokama qilindi. Muhokamalar davomida budjet daromadlari va xarajatlarining ijrosi, qo‘shimcha manbalar hisobidan yo‘naltirilgan mablag‘lar, shuningdek, budjet mablag‘larining maqsadli sarflanishi tahlil etildi.

✅ Muhokamalar yakunida doimiy komissiyaning tegishli qarori qabul qilindi. Qarorga muvofiq, mas'ul tashkilotlarga mahalliy budjet daromadlari prognoz ko‘rsatkichlarining bajarilishini ta'minlash, budjet mablag‘laridan maqsadli va samarali foydalanish ustidan nazoratni kuchaytirish hamda mahalliy budjet ijrosi yuzasidan xalq deputatlari tuman Kengashiga muntazam axborot kiritib borish bo‘yicha tegishli vazifalar belgilandi. Shuningdek, ushbu masala xalq deputatlari Tuproqqal'a tumani Kengashining navbatdagi sessiyasi kun tartibiga kiritildi.