Aholiga o‘z vaqtida va sifatli tibbiy yordam ko‘rsatish, tibbiyot muassasalarida yaratilgan shart-sharoitlarni yaxshilash bugungi kunning eng muhim vazifalaridan biridir.
Shu munosabat bilan, Xalq deputatlari Olmaliq shahar Kengashi deputatlari — 12-okrug deputati Zuhra Pulatova hamda 2-okrug deputati Abdujabbor Djurayev, Kotibiyatdan biriktirilgan bosh mutaxassis M.Begmatovlar tomonidan "Olmaliqovul" mahallasi hududida joylashgan 2-sonli oilaviy poliklinikada o‘rganish va nazorat tadbirlari tashkil etildi.

🔍 Tibbiy xizmat sifati: Poliklinikaga tashrif buyuruvchilarga ko‘rsatilayotgan birlamchi tibbiy-sanitariya yordamining darajasi tahlil qilindi.
Bepul dori-darmon ta’minoti: Davlat tomonidan aholiga bepul berilishi ko‘zda tutilgan dori vositalarining ro‘yxati, ularning zaxirasi va taqsimoti ko‘zdan kechirildi.
Xodimlar bilan muloqot: Tibbiyot xodimlari bilan uchrashuv o‘tkazilib, ularning ish faoliyati, shart-sharoitlari va mavjud ehtiyojlari muhokama qilindi.
💬 Deputatlar muassasaga kelgan bemorlar va mahalla fuqarolari bilan bevosita suhbatlashdilar. Samimiy ruhda o‘tgan muloqotlar davomida aholi poliklinikadagi tibbiy xizmat ko‘rsatish jarayonlaridan, shifokorlarning muomalasi va e’tiboridan mamnun ekanliklarini bildirishdi.
Xulosa o‘rnida: Aholi salomatligini muhofaza qilish, tibbiyot sohasidagi islohotlarning joylardagi ijrosini ta’minlash borasidagi deputatlik nazorati tizimli ravishda davom ettiriladi.