#qonun_19_1_modda
#yoshlar_maslahat_guruhi
#doimiy_komissiya
#ekspert_guruhi
#tavsiyalar

Sinagogadagi ta’mirlash ishlari o‘rganildi

Xalq deputatlari Kogon shahar Kengashi raisi A. Yangiyev, Kengash kotibiyat mudiri Sh. Isamutdinov hamda kotibiyat mutaxassisi Z. Temirova tomonidan hududdagi sinagogada olib borilayotgan ta’mirlash ishlari joyiga chiqib o‘rganildi.

O‘rganish davomida amalga oshirilayotgan ta’mirlash ishlarining borishi, bajarilayotgan ishlar sifati, foydalanilayotgan qurilish materiallari, binoning ichki va tashqi holatini yaxshilash bo‘yicha olib borilayotgan chora-tadbirlar ko‘zdan kechirildi.

Shuningdek, ta’mirlash ishlarini belgilangan muddatlarda va sifatli yakunlash, hududdagi ushbu maskanning saqlanishi hamda undan samarali foydalanish masalalariga e’tibor qaratildi.

Mazkur yo‘nalishdagi ishlar hududdan saylangan deputat S. Xamrayev hamda deputatlik faoliyatini tashkiliy jihatdan ta’minlovchi mas’ul mutaxassis Z. Temirova tomonidan nazoratga olinib, amalga oshirilayotgan ishlar o‘rganib borilmoqda.

Xalq deputatlari
Kogon shahar Kengashi
axborot xizmati

Telegram . Instagram . Facebook . Youtube . E-kengash