#doimiykomissiya #poytaxtdeputatlari #deputatlik_faoliyati

🏛 Xalq deputatlari Toshkent shahar Kengashining Fan, ta’lim va sog‘liqni saqlash masalalari bo‘yicha doimiy komissiyasining navbatdagi yig‘ilishi bo‘lib o‘tdi.

📝 Mazkur komissiya kun tartibiga kiritilgan Bitiruvchilari oliy ta’lim muassasalariga eng kam kirgan umumta’lim maktablarida olib borilayotgan ta’lim sifatini, o‘quvchi va o‘qituvchilarga yaratilgan sharoitlar, shuningdek, o‘qituvchilarning pedagogik mahoratini va o‘quvchilarning darslarga qatnashish darajasini oshirish yo‘nalishda olib borilayotgan ishlar to‘g‘risidagi masala yuzasidan Toshkent shahar Maktabgacha va maktab ta’limi boshqarmasi boshlig‘i v.v.b. Bakiev Bahrom Mirg‘aniyevichning hisoboti deputatlar tomonidan eshitildi.

📁 Shuningdek, mazkur yig‘ilishda kun tartibidagi Toshkent shahar, Sergeli tumanida joylashgan 46-son ko‘p tarmoqli ixtisoslashtirilgan maktabgacha ta’lim tashkilotini qo‘shma turdagi maktabgacha ta’lim tashkiloti sifatida qayta tashkil etish to‘g‘risidagi masala yuzasidan Ijtimoiy himoya milliy agentligi Toshkent shahar boshqarmasi boshlig‘ining o‘rinbosari Davlatov Ilhomjon G‘ulamjanovich yig‘ilish qatnashchilariga hisobot berdi. Ushbu masala deputatlar tomonidan tinglanib atroflicha muhokama qilindi va hisobotdagi kamchiliklar sababli ushbu masala deputatlar tomonidan keyingi yig‘ilishga qoldirildi.

📉 Kun tartibidagi yakuniy Toshkent shahri Yashnobod tumanidagi 7-son bolalar musiqa va san’at maktabiga O‘zbekiston Respublikasi xalq artisti Farrux Zakirov nomini berish chora-tadbirlari to‘g‘risidagi masala bo‘yicha Toshkent shahar Madaniyat boshqarmasi boshlig‘i vazifasini vaqtincha bajaruvchi Bahromov Bekzod Bahromovich o‘z hisobotini komissiya a’zolariga taqdim etdi.

🔍 Xalq deputatlari Toshkent shahar Kengashi faoliyati haqida yangiliklardan xabardor bo‘lish uchun bizni kuzatishda davom eting!

📱 Telegram 📱 Instagram 📱 Facebook 📱 YouTube 🔎 E-kengash