Қоровулбозор тумани тиббиёт бирлашмаси “Ташаббусли бюджет” жараёнида иштирок этиб, ғолибликни қўлга киритган эди. Ажратилган 649 млн сўм маблағ эвазига замонавий, сўнгги русумдаги Рентгеноскопия аппарати харид қилиниб фойдаланишга топширилди.  

Хитой халқ Республикасида ишлаб чиқарилган мазкур ускуна ёрдамида беморларни контраслаш усули билан текшириш, буйракдаги тош, ошқазон ва 12 бармоқли ичак касалликлари, таянч-ҳаракат системасидаги ўзгаришларни аниқ кўриш билан бир қаторда, нафас олиш органларини тўлик текшириш имкониятини яратади. 

Шу вақтга қадар беморлар бундай текширувдан ўтишлари учун вилоят марказига боришлари талаб этилган бўлса, эндиликда ушбу ускунанинг туманимизда ўрнатилганлиги, аҳолига кўрсатилаётган тиббий хизматнинг сифати ошишига, хизмат қилиши билан аҳамиятлидир.  

Туманимизда амалга оширилаётган бу каби ишлар президентимиз томонидан илгари сурилган “Тиббиётдаги ислоҳотлар-инсон қадри учун” ғоясига уйғун равишда давом этмоқда.