Xalq deputatlari Andijon shahar Kengashi deputati Gulnoraxon Ismoilova Buloqboshi tumanidagi Rivoj MFYda bo‘lib, mahalla faoliyati, xususan, mahalla yettiligi tomonidan aholi, jumladan, ehtiyojmand oilalar bilan ishlash borasida amalga oshirilayotgan ishlar bilan yaqindan tanishdi.

Tashrif davomida reyestr ro‘yxatida turgan oilalar vakillari hamda mahalla a’zolari bilan uchrashib, mavjud muammolar va ehtiyojlar yuzasidan suhbatlashildi.

Shuningdek, Rivoj MFY uchun qurib foydalanishga topshirilgan yangi, zamonaviy mahalla binosi ko‘zdan kechirildi. Mahalla yettiligining samarali faoliyat yuritishi, aholini qabul qilishi va fuqarolar murojaatlari bilan ishlashi uchun barcha zarur sharoitlar yaratilgani ta’kidlandi.

Tashrif davomida mahalla faoliyatini yanada samarali tashkil etish, aholi bilan ochiq muloqotni kuchaytirish hamda fuqarolar muammolarini manzilli hal etish masalalariga alohida e’tibor qaratildi.