Xalq deputatlari Parkent tumani Kengashiga 4-“Bo‘ston” saylov okrugidan saylangan deputat Usipxodjayev Yerlan Ormanovich tomonidan deputatlik vakolati doirasida “Bo‘ston” mahallasi “Achisoy” ko‘chasida yashovchi aholi bilan uchrashuv o‘tkazildi.Uchrashuv davomida fuqarolar bilan ochiq muloqot tashkil etilib,hududdagi mavjud muammolar, aholini qiynab kelayotgan masalalar hamda ularni bartaraf etish yuzasidan takliflar muhokama qilindi.Xususan, “Achisoy” ko‘chasi aholisi tomonidan yaqinda o‘rnatilgan zamonaviy tungi yoritish chiroqlari hudud obodonchiligi va aholi uchun qulayliklarni yanada oshirgani ta’kidlanib, mazkur ishlardan mamnun ekanliklari bildirildi.Fuqarolar tomonidan bildirilgan murojaat va takliflar deputat tomonidan tegishli tartibda qayd etilib, mavjud muammolarni mas’ul tashkilotlar bilan hamkorlikda o‘rganish, ularning yechimi bo‘yicha tegishli choralar ko‘rish hamda ijrosini nazoratga olish belgilandi.Uchrashuv yakunida deputat aholi bilan bunday ochiq va samimiy muloqotlarni muntazam davom ettirish, fuqarolar tomonidan ko‘tarilayotgan masalalarni tegishli tashkilotlar bilan hamkorlikda hal etish hamda ularning amaliy yechimini ta’minlashga alohida e’tibor qaratilishini ta’kidladi.