🏛 Sessiya kun tartibidagi masala yuzasidan uchrashuv o‘tkazildi

📌 Xalq deputatlari Sherobod tumani Kengashining navbatdagi 25-sessiyasi kun tartibiga kiritilgan masala yuzasidan Xalq deputatlari Sherobod tumani Kengashi raisi O. Tursunov mahallalarda faoliyat yuritayotgan profilaktika inspektorlari bilan uchrashuv o‘tkazdi.

Uchrashuv davomida Sherobod tumanida 2026-yilning birinchi yarim yilligida huquqbuzarliklarning oldini olish, ularning profilaktikasi samaradorligini oshirish hamda jamoat xavfsizligini ta’minlash borasida amalga oshirilgan ishlar atroflicha tahlil qilindi.

Shuningdek, mahallalardagi kriminogen vaziyatni barqaror saqlash, huquqbuzarliklarning barvaqt oldini olish, yoshlar o‘rtasida jinoyatchilikni kamaytirish, fuqarolar bilan manzilli ishlash hamda profilaktik tadbirlar samaradorligini yanada oshirish masalalari muhokama qilindi.

Uchrashuv yakunida profilaktika inspektorlariga mavjud muammolarni o‘z vaqtida aniqlash va bartaraf etish, davlat organlari hamda jamoatchilik bilan hamkorlikni kuchaytirish, mahallalarda tinchlik va osoyishtalikni ta’minlash yuzasidan tegishli tavsiya va vazifalar belgilab berildi.

🤝 Xavfsiz mahalla — tinch va farovon hayot garovi!