#kotibiyat_mudiri #kengash_qarori_ijrosi
🖥Tuman Kengashi qarori ijrosi yuzasidan o‘rganish o‘tkazildi

✔️Xalq deputatlari Farg‘ona tuman Kengashi kotibiyati mudiri Shuhratjon Rahimov hamda hudud deputati Farruxbek Abdusalomov tomonidan Xalq deputatlari Farg‘ona tuman Kengashining qarori ijrosi yuzasidan Konchilar mahallasida o‘rganish ishlari olib borildi.

O‘rganish davomida mahalladagi ichki ko‘chalar va xo‘jalik yo‘llarida amalga oshirilayotgan qurilish-ta’mirlash ishlari, ajratilgan mablag‘larning maqsadli sarflanishi, bajarilgan ishlarning sifati hamda belgilangan loyiha va me’yoriy hujjatlar talablariga muvofiqligi joyiga chiqqan holda ko‘zdan kechirildi.

Xususan, Konchilar mahallasining Sadaf ko‘chasida belgilangan reja asosida asfalt qoplamasi yotqizish ishlari to‘liq yakunlangani, yo‘l infratuzilmasini yaxshilashga qaratilgan ishlar sifatli amalga oshirilgani aniqlandi. Mazkur ishlar hudud aholisining transport qatnovi uchun qulay sharoit yaratish, yo‘l harakati xavfsizligini ta’minlash hamda mahalla infratuzilmasini yanada yaxshilashga xizmat qilmoqda.

✔️Xalq deputatlari tuman Kengashi tomonidan qabul qilingan qarorlar ijrosini nazorat qilish, joylarda olib borilayotgan bunyodkorlik ishlari sifatini o‘rganish hamda fuqarolar uchun qulay infratuzilmani yaratishga qaratilgan monitoring tadbirlari izchil davom ettiriladi.

⌛ Kengashning rasmiy sahifalarini kuzatib boring. ⬇️
✅ Telegram |✅ Facebook | 🎬 YouTube | 📱 Instagram |🌐 E-Kengash.uz