Xalq deputatlari Chilonzor tumani Kengashi deputati Miryunusov Alisher Xabibiullayevich tomonidan Chilonzor mahallasi hududida aholi murojaatlari asosida o‘rganilgan yo‘l infratuzilmasi bilan bog‘liq muammoni bartaraf etish yuzasidan tegishli mutasaddi tashkilotga deputat so‘rovi yuborildi.

Hududda olib borilgan o‘rganishlar davomida kanalizatsiya tarmog‘ida amalga oshirilgan ta’mirlash ishlaridan so‘ng ko‘chaning ayrim qismlarida yo‘l qoplamasi shikastlangani, o‘pirilish va notekisliklar yuzaga kelgani, shuningdek, ta’mirlash ishlari yakunlanganidan keyin yo‘l qoplamasi lozim darajada tiklanib, asfaltlash ishlari amalga oshirilmagani aniqlandi.

Mazkur holat hudud aholisining kundalik harakatlanishiga noqulaylik tug‘dirayotgani, piyodalar hamda transport vositalarining xavfsiz va erkin harakatlanishiga salbiy ta’sir ko‘rsatayotgani inobatga olinib, muammoni tezkor va amaliy hal etish zarurligi qayd etildi.

Shu munosabat bilan deputat tomonidan yo‘lning shikastlangan qismlarini tegishli tartibda o‘rganish, kanalizatsiya ta’miri natijasida buzilgan yo‘l qoplamasini sifatli tiklash, zarur hududlarda asfaltlash ishlarini amalga oshirish hamda aniqlangan kamchiliklarni bartaraf etish bo‘yicha tegishli choralar ko‘rilishini so‘rab deputat so‘rovi yuborildi.

Shuningdek, mutasaddi tashkilotdan muammoni bartaraf etish bo‘yicha amalga oshiriladigan ishlar, ularning bajarilish muddatlari hamda ko‘rilgan choralar natijalari yuzasidan belgilangan tartibda ma’lumot taqdim etish so‘raldi.