Xalq deputatlari Pastdarg‘om tuman Kengashi deputati tomonidan Yangisanoat mahallasida elektr ta’minoti tizimini yaxshilash hamda qo‘shimcha 10 dona temir-beton tayanch o‘rnatish masalasida yuborilgan deputatlik so‘roviga Pastdarg‘om tuman elektr ta’minoti korxonasi tomonidan rasmiy javob taqdim etildi.

Javob xatida qayd etilishicha, deputatlik so‘rovida ko‘tarilgan masala mutaxassislar tomonidan joyiga chiqib o‘rganilib, Yangisanoat mahallasidan o‘tuvchi 6 kVli “Charxin” elektr uzatish tarmog‘idagi ayrim temir-beton tayanchlarni almashtirish hamda qo‘shimcha tayanchlar o‘rnatish zarurligi aniqlangan.

Shunga ko‘ra, hududda 10 dona yangi temir-beton tayanch o‘rnatish ishlari elektr tarmoqlarini yangilash, modernizatsiya va rekonstruksiya qilish bo‘yicha 2026–2027-yillarga mo‘ljallangan manzilli dasturga kiritilgan.