Xalq deputatlari Pastdarg‘om tuman Kengashi deputati Dilnoz Jabbarova tomonidan Sanchiqul MFY G‘alaba ko‘chasidagi elektr tarmog‘ini elektr ta’minotiga ulash masalasida yuborilgan deputatlik so‘rovi yuzasidan Pastdarg‘om tuman elektr ta’minoti korxonasi tomonidan rasmiy javob taqdim etildi.

Javob xatida qayd etilishicha, deputat so‘rovida ko‘tarilgan masala joyiga chiqib o‘rganilgan. O‘rganish natijasida hududda yangi elektr tarmog‘ini qurish uchun zarur tayanchlar o‘rnatilgani hamda elektr kabellari yetkazib kelingani aniqlangan.

Ayni paytda elektr tarmog‘ini ishga tushirish bo‘yicha yakuniy montaj va ulash ishlari uchun mutaxassislar biriktirilgan bo‘lib, barcha tashkiliy choralar ko‘rilmoqda.

Rejaga muvofiq, 2026-yil avgust oyi yakuniga qadar G‘alaba ko‘chasidagi elektr tarmog‘ini elektr ta’minotiga ulash ishlari to‘liq yakunlanadi.