Sessiyada tuman Kengashi deputatlari, ekspert guruhi a'zolari, huquqni muhofaza qiluvchi organlar, davlat va jamoat tashkilotlari rahbarlari hamda kun tartibidagi masalalarga aloqador mutasaddilar hamda ommaviy axborot vositalari vakillari ishtirok etdilar.

Kun tartibida 15 ta masala ko‘rib chiqildi. Jumladan, tumanni ijtimoiy-iqtisodiy rivojlantirish, jinoyatchilikning barvaqt profilaktikasi, aholi bandligi va kambag‘allikni qisqartirish, inflyasiyani jilovlash, mahalliy byudjet ijrosi, mahalliy budjet qo‘shimcha manbaalardan foydalanish, jamg‘armadan mablag‘ yo‘naltirish, favqulodda vaziyatlar, sog‘liqni saqlash, Prezident Xalq qabulxonasi, Qonun ijrosini o‘rganish natijalari, prokuratura va ichki ishlar organlari faoliyatiga oid masalalar muhokama qilindi.

Xususan, sessiyada tuman hokimining murojaati, 9 ta hisobot, 1 ta axborot, 1 ta nazorat-tahlil masalasi hamda Kengash vakolati doirasidagi 4 ta qaror ko‘rib chiqilib, tegishli qarorlar qabul qilindi.

✔️Muhokamalar davomida deputatlar tomonidan qator savol va takliflar bildirildi. Bildirilgan takliflarning ayrimlari qoʻllab-quvvatlanib, tegishli Kengash qarorlariga qoʻshimcha va oʻzgartirishlar kiritildi. Sessiya yakunida kun tartibiga kiritilgan barcha masalalar yuzasidan tegishli qarorlar qabul qilinib, ularning ijrosini oʻz vaqtida va sifatli taʼminlash boʻyicha masʼul tashkilotlarga aniq vazifalar belgilandi.

Ochiqlik va shaffoflik tamoyili asosida sessiya jarayoni ijtimoiy tarmoqlar orqali jonli tarizda yoritib borildi.