#Deputatlik_nazorati #Kotibiyat_hududlarda #24_ta_tavsiyaviy_savol #haftalik_ish_reja_ijrosi

KO‘P QAVATLI UYLARDA XIZMAT KO‘RSATISH SIFATI VA OBODONLIK HOLATI O‘RGANILDI

📂 Xalq deputatlari Uchtepa tumani Kengashiga O‘zLiDePdan saylangan "11-Taqachi" okrugi deputati Dusmuxamedova Saodat Maxirdjanovna tashabbusi bilan Taqachi mahallasida tuman Kengashi deputatlarining 24 ta tavsiyaviy savolnomasiga muvofiq boshqaruv kompaniyalari faoliyati samaradorligi hamda ko‘p qavatli uylarda yashash sharoitlari o‘rganildi.

🏢 O‘rganish davomida ko‘p qavatli uylarning ichki yo‘laklari va pod’yezdlari, yerto‘lalari, uylar atrofidagi hududlarning tozaligi va yoritilishi holatiga e’tibor qaratildi. Hududda 4 ta 4 qavatli va 2 ta 9 qavatli ko‘p qavatli uy mavjudligi qayd etildi.

⚙️ Mazkur uylarga sifatli xizmat ko‘rsatish, muhandislik-kommunikatsiya tarmoqlarining barqaror ishlashini ta’minlash hamda isitish tizimi bilan bog‘liq masalalarni hal etishda boshqaruv servis kompaniyalari faoliyati muhim ahamiyat kasb etadi.

📈 Belgilangan dasturga muvofiq ko‘p qavatli uylarning tom va yerto‘la qismlarini ta’mirlash, ichki yo‘laklar hamda podyezdlarda joriy ta’mirlash ishlarini amalga oshirish ko‘zda tutilgan.

🕯 Ushbu vazifalar ijrosini nazorat qilish maqsadida hududdagi 23-ko‘p qavatli uyda olib borilayotgan ta’mirlash ishlari bilan joyiga chiqib tanishildi. Aniqlangan kamchiliklarni o‘z vaqtida bartaraf etish, belgilangan ishlarni sifatli yakunlash va aholi uchun qulay sharoit yaratish yuzasidan tegishli masalalar ko‘rib chiqildi.

↗️ Ko‘p qavatli uylarda yashash sharoitlarini yaxshilash, hududlarni obodonlashtirish va boshqaruv kompaniyalari faoliyati samaradorligini oshirishga qaratilgan bunday o‘rganishlar tizimli ravishda davom ettiriladi.