Xalq deputatlari Qo‘qon shahar Kengashi deputati M.Mavlonqulov o‘ziga biriktirilgan tashkilot — shahar Mahallalar uyushmasi faoliyati bilan tanishdi.

O‘rganish davomida uyushmaning mahallalar bilan hamkorlikda olib borayotgan ishlari, fuqarolarning murojaatlari bilan ishlash tizimi, hududlardagi ijtimoiy masalalarni hal etish, obodonlashtirish va mahalla faolligini oshirish borasidagi faoliyati atroflicha ko‘rib chiqildi.

Shuningdek, o‘rganish jarayonida O‘zbekiston Respublikasining “Fuqarolarning o‘zini o‘zi boshqarish organlari to‘g‘risida”gi Qonuni ijrosi muhokama qilinib, mahalla institutining jamiyat hayotidagi o‘rni, fuqarolar manfaatlarini himoya qilishdagi ahamiyati hamda mahalla organlari vakolatlarini yanada samarali amalga oshirish masalalariga alohida e’tibor qaratildi.

Suhbat davomida mahalla faoliyati samaradorligini oshirish, fuqarolar bilan ochiq muloqotni kuchaytirish, ijtimoiy yordamga muhtoj oilalar bilan manzilli ishlash hamda hududlarni yanada obod qilish yuzasidan fikr almashildi.

Xalq deputatlari Qo‘qon shahar Kengashi