Xalq deputatlari Qo‘qon shahar Kengashi deputati M.Mavlonqulov tomonidan Achchiqko‘l mahallasi, Bag‘dod ko‘chasida navbatdagi o‘rganish ishlari amalga oshirildi.

O‘rganish davomida fuqaro Turg‘unov tomonidan Bag‘dod ko‘chasidagi elektr transformator punkti (TP)ga SIP kabellarini montaj qilish masalasi ko‘tarildi. Ta’kidlanishicha, mazkur ishlarni bajarish hududda elektr ta’minotining barqarorligini oshirish, nosozliklarning oldini olish hamda aholiga sifatli kommunal xizmat ko‘rsatishda muhim ahamiyat kasb etadi.

Murojaat mazmuni joyiga chiqqan holda o‘rganilib, masala yuzasidan shahar elektr tarmoqlari mas’ullari bilan bog‘lanildi. Natijada ushbu muammoni ijobiy hal etish bo‘yicha zarur choralar ko‘rish hamda SIP kabellarini montaj qilish ishlarini belgilangan tartibda tashkil etish bo‘yicha kelishuvga erishildi.

Deputat tomonidan mazkur masala nazoratga olinib, elektr ta’minoti bilan bog‘liq ishlarning ijrosi yuzasidan qo‘shimcha amaliy choralar ko‘rilishi belgilandi.

Xalq deputatlari Qo‘qon shahar Kengashi