Xalq deputatlari tumani Kengashi kotibiyati bosh mutaxassisi Sh.G‘afforov, tuman Yo‘l harakati xavfsizligi bo‘limi boshlig‘i B.Burxonov hamda mas’ul tashkilot rahbarlari ishtirokida yo‘l harakati xavfsizligini ta’minlash bo‘yicha muhokama o‘tkazildi.

Uchrashuv davomida O‘zbekiston Respublikasining “Yo‘l harakati to‘g‘risida”gi Qonuni hamda 2024-yil 19-yanvardagi O‘RQ-900-son Qonuni talablari asosida tumanda yo‘l harakati xavfsizligini yanada yaxshilash, mavjud muammolarni bartaraf etish yuzasidan masalalar ko‘rib chiqildi.

Jumladan, tuman markazidagi shifoxona hududiga olib boruvchi yo‘lni bir tomonlama harakatlanish tizimiga o‘tkazish hamda 360 gradusli kuzatuv kameralarini o‘rnatish bo‘yicha taklif va rejalar muhokama qilindi.

Ishlarni tez fursatda amalga oshirish hamda xavfsiz harakatlanish sharoitlarini yaratish choralari belgilab olindi.