O‘zbekiston Respublikasining “Jismoniy tarbiya va sport to‘g‘risida”gi Qonuniga o‘zgartish va qo‘shimchalar kiritish haqida”gi O‘RQ-394-son Qonuni hamda fuqarolarning murojaatlari ijrosini ta’minlash maqsadida hududdagi Bo‘rijar mahallasida o‘rganish ishlari olib borildi.

Xalq deputatlari Chilonzor tuman Kengashining 23-Yakkatut saylov okrugi deputati Sh.Shodmonovga biriktirilgan Kotibiyat mudiri L.Murotova tomonidan mahalladagi mavjud holat joyiga chiqib o‘rganildi hamda aholi tomonidan bildirilgan murojaatlar tahlil qilindi.

O‘rganishlar davomida mahalladagi bolalar maydonchasi eskirgani va foydalanish uchun yaroqsiz holatga kelgani, shuningdek, bolalarning mazmunli dam olishi, bo‘sh vaqtini samarali tashkil etishi hamda sport bilan shug‘ullanishi uchun zarur shart-sharoitlar yetarli emasligi aniqlandi.

Aniqlangan muammolar yuzasidan tegishli mas’ul tashkilotlarga taklif va tavsiyalar kiritish hamda ularni bartaraf etish bo‘yicha zarur choralar ko‘rilishi belgilandi.